NAGMANEHO NG KULONG-KULONG, KRITIKAL MATAPOS MAAKSIDENTE SA SINAIT, ILOCOS SUR

Kritikal ang kundisyon ng biktima matapos maaksidente ang minamaneho nitong kulong-kulong. Nakilala ito na si Randy Bautista Bermudez, edad 41, residente ng Brgy. Cabulalaan , Sinait. Ayon sa pulisya, nangyari ang aksidente along national highway ng Brgy. Ballaigi sa naturang bayan. Napag alaman na pauwi na ang biktima ngunit nawalan ito ng kontrol sa manibela hanggang sa bumaliktad ang sasakyan. Naitakbo ang biktima sa pagamutan at ngayo'y nasa ICU pa at patuloy na inoobserbahan dahil sa kanyang natamong grabeng sugat sa katawan.