MAGKA-ANGKAS SA MOTORSIKLO NAAKSIDENTE, PATAY SA STA MARIA, ILOCOS SUR

Hindi na umabot pa ng buhay sa pagamutan ang biktima na si Mark Angelo Cabus, edad 18 pagkatapos bumangga sa railings ng tulay sa bayang ito ang minaneho nitong motorsiklo na suzuki raider. Ang kasama nito na si Mark Angelo Dayap, edad 19 ay naisugod pa sa pagamutan ngunit kalauna'y namatay rin dahil sa matinding sugat na kanilang tinamo. Ang dalawa ay kapwa binata at parehong residente ng Brgy. Lingsat. Sta. Maria. Lumalabas sa imbestigasyon ng Kapulisan na wala silang suot na helmet at kapwa rin silang nakainum ng alak nang mangyari ang aksidente. Hanggang ngayon, patuloy pa rin ang imbestigasyon ng kapulisan ng Sta. Maria.