Lalaki Nasaksak matapus Makipagsuntukan

Isang lalaki ang nasaksak sa kaniyang kaliwang binti, nagngangalang si Joseph Arcaparlas sa Brgy. Paoa Vigan City matapos sumang ayon na makipagkita at makipagsuntukan sa suspek na si Ruel Barcellano 47 years old na nakatira sa Ayusan Norte Vigan City. Ayon sa kapulisan, bago ang pangyayari, tinawagan umano ng suspek ang biktima gamit ang telepono upang hamunin sa isang suntukan sa arko ng Brgy. Ayusan Sur Vigan City. Ngunit nang naroon na ang biktima ay humugot di umano ang suspek ng 15 inches na patalim at hinabol nito ang biktima at sinaksak sa kaliwang binti nito. Naaresto naman agad ng mga pulis ang suspek habang ang biktima ay kasalukuyang nagpapagaling sa Provincial Hospital Gabriela Silang sa Tamag Vigan City.