Cong.Ronald Singson wala ng kalaban sa susunod na election

Idineclara na ng Comelec na nuisance candidate si Charles "DB" Savellano na kakandidato sana para congressman sa unang distrito ng Ilocos Sur. Base sa desisyon ng ahensiya, kanselado na ang kandidatora ni Savellano dahil ginawa niyang katawatawa ang proseso ng eleksiyon sa paggamit ng "DB" na nickname niya na malayo o wala namang koneksiyon sa tunay niyang pangalan na Charles. "DB" ang ginamit na halos magkasing tunog sa DV na pangalan naman ng dating congressman ng unang distrito ng I.Sur. Patunay ito ayon pa sa Comelec na maikonsidera na misrepresentation para lang makakuha ng boto. Dahil dito, wala ng kalaban si incumbent Cong. Ronald Singson na kakandidato uli para congressman sa susunod na election.