BINATA PATAY NG PAGBABARILIN SA MAGSINGAL, ILOCOS SUR.

Patay ang isang binata matapos itong pagbabarilin malapit sa kanilang tahanan sa Brgy. Patong, Magsingal, Ilocos Sur. Nakilala itong si Roldan Villanueva Urmeneta, dalawampu't apat na taong gulang. Ayon sa kapulisan, nagtamo ito ng tatlong tama ng calibre .45 sa dibdib. Napag alaman na bago mamatay ang biktima sa gabing iyon, nakatanggap ito ng tawag ngunit ng umalis sa kanilang bahay, narinig ng kapamilya niya ang umalingawngaw na putok ng baril. Ngunit ng lapitan ng kanyang kapatid, duon na natukoy na biktima na pala ito sa pamamaril. Naisugod pa nila sa Ilocos Sur District Hospital Magsingal ngunit dineklara ng doctor na dead on arrival ang biktima. Narekobre sa crime scene ang tatlong basyo ng cal. 45 at isang gun slug. Patuloy ang imbestigasyon ng PNP Magsingal para sa ikakalutas ng kaso.